Yn Stryd Portland, mae coed yn tyfu rhwng y llefydd parcio.  Tua ganrif yn ôl, safle stablau, yna "roller-skating rink", yna sinema oedd y gerddi ar y chwith. Erbyn hyn, mae glaswellt, gwelyau blodau a choed ceirios wedi cymryd eu lle.

Arolwg Mannau Gwyrdd

Mae GAG yn gwneud arolwg manwl o fannau gwyrdd yn Aberystwyth. Cyflwyniwyd casgliadau Rhan 1 ym mis Mawrth 2007. Dyma grynhoad yr adroddiad cyntaf:

Nod y cynllun yw adnabod gwahanol fathau o fannau gwyrdd yn y dre. Mae canlyniadau’r prosiect wedi’u cynrychioli ar fap a’u diffinio mewn graffiau. Ymgymerwyd â’r prosiect gan ddilyn adroddiad Cyngor Cefn Gwlad Cymru: “Darparu Gwyrddfannau Naturiol Hygyrch mewn Trefi a Dinasoedd”. Cafodd mannau gwyrdd Aberystwyth eu hadnabod a’u dosbarthu gan ddefnyddio ffotogaffau o’r awyr a data Arolwg Ordnans Mastermap. Gan ddefnyddio GIS arbenigol a meddalwedd penodol “remote sensing”anela’r cynllun ddarparu’r cam cyntaf mewn dadansoddi mannau gwyrdd hygyrch yn Aberystwyth. Mae gan Aberystwyth gyfoeth o fannau gwyrdd – naturiol ac arall. Mae’n hanfodol fod cynllunio tymor-hir a rheolaeth o’r mannau gwyrdd sy’n bodoli yn Aberystwyth yn digwydd er mwyn i bobl barhau i fwynhau mannau gwyrdd a bywyd gwyllt yn eu tref.

Mae canlyniadau llawn gan gynnwys y data GIS ar DVD y prosiect ar gael i Gyngor Sir Ceredigion, Llywodraeth Cynulliad Cymru a Chyngor Cefn Gwlad Cymru. Hefyd, mae copi ar gael i'w fenthyca gan gadeirydd GAG, rogerpbray@aol.com .